Laurdag 1. november kl 18 er du velkomen til eit møte med Odveig Klyve og hennar kortfilmar, dikt og refleksjonar kring kunst og samfunnsengasjement. I samband med arrangementet vil Klyve og presentere poesiplakatar i Øystese og Kabuso.
Odveig Klyve har vore poet og filmskapar i over 30 år.
har skrive elleve diktsamlingar og åtte barnebøker. Dikta hennar er omsette til mange språk, m.a. engelsk, fransk, tysk, italiensk, spansk, japansk, hindi og kinesisk.
Som poet har ho samarbeidd med musikarar som Nils Petter Molvær, Erlend Apneseth, Stephan Meidell, Terje Isungset, Eva Pfitzenmaier og Gjertrud Økland.
I 2025 vart ho tildelt Herman Wildenveys poesipris.
Klyve har òg hatt manus og regi på ei rekkje kortfilmar. Ho har også vore produsent og medprodusent på fleire filmar, og driv no produksjonsselskapet Fakkelfilm.
Filmane hennar er inviterte til filmfestivalar i Europa, Nord-Amerika, Sør-Amerika, India, Afrika, Japan og Taiwan og har fått fleire prisar.
Mange av kunstfilmane hennar er viste på galleri og kunstutstillingar som Haustutstillinga i Oslo og Rencontres Internationales i Paris.
Og Video Art and Experimental Film Festival, New York.
Foto: Hans Jørgen Brun
________
Seteoppsett: Nei
Language