Karl Bjorå - Whimsical Giant

Karl Bjorå med band tar utgangspunkt i det kritikarroste albumet Whimsical Giant for konserten i Kabuso 17. september.

Karl Bjorå – gitar, komposisjon

Selma French Bolstad – feler, vokal

Signe Emmeluth – saksofon
Vegard Lien Bjerkan – harmonium, piano
Bardur Reinert Poulsen – kontrabass
Andreas Winther – trommer

Gitaristen Bjorå har i løpet av dei siste åra gjort seg bemerka i fleire unike og varierte musikalske prosjekt på jazzscena.
No er han aktuell med si første plate under eige namn. Whimsical Giant er eit album som dekkar mangfaldig musikalsk grunn, ei målmedvitne vandring på jakt etter det vakre, det uvanlege og det uventa.
Dei musikalske strukturane er distinkte, nesten taktile i sin klarleik. Element av jazz og ambient improvisasjon vert vevd saman med aksentar av americana, nordisk folk, post-rock, flyktige glimt av klassisisme, til og med ekko av salme-ærbødigheit.

Dei øvrige musikarane på scenen denne kvelden er også blant landets mest markante musikarar. desse har kvar for seg bidratt til nye impulsar og vitalisering av norsk musikk allereie.